13. ઓડીટોરીયમ ભાડે રાખનાર આસામી કે સંસ્થાએ ઓડીટોરીયમ, તેના બારી-બારણાઓ, ફર્નિચર-ફીટીંગ્સ, ઈલેક્ટ્રીક ઉપકરણો, સ્ટેજ લાઈટસ, સાઉન્ડ સિસ્ટમ, ખુરશીઓ, સ્ટેજ વિગેરે તમામ વસ્તુઓ સંભાળપૂર્વક ઉપયોગમાં લેવાની રહેશે. સદરહુ વસ્તુઓ તેમજ ઝાડ-પાન-બગીચા, દિવાલોના કલર કે ઓડીટોરીયમના કોઈપણ ભાગમાં નુકશાન થશે તો તેની પુરેપુરી રકમ રાજકોટ મહાનગરપાલિકા નિયત કરે તે મુજબની ભાડે રાખનારે ભરપાઈ કરવાની રહેશે. ભાડે રાખનાર દ્વારા નુકશાનીની રકમ ભરપાઈ કરવામાં નહી આવે તો સદરહુ રકમ ડીપોઝીટની રકમમાં કપાત કરી લેવામાં આવશે. જો નુકશાનીની રકમ ડીપોઝીટની રકમથી વધુ હશે તો રાજકોટ મહાનગરપાલિકા વધારાની રકમ ભાડે રાખનાર પાસેથી મેળવવા હકદાર રહેશે અને સદરહુ કામે કાયદેસરનો દાવો કરી શકશે.